BUTUAN CITY – Mikalas sa kinabuhi sa usa ka suspetsadong tigpayuhot sa ginadiling drugas ang gihimung buybust operation sa kapulisan sa San Francisco, Agusan Del Sur alas 11:50 kagabii sa may Purok 3B, Barangay 1, sa maong lungsod.
Gikasa ang maong operasyon batuk sa kanhe surenderee nga si Edgardo “Gaygay” Dolaogon, 39-anyos, olitawo ug residente sa Purok 2C sa nasangpit nga barangay.
Sa dihang nahibal-an matud pa sa suspek nga pulis ang iyang ka-transaksiyon, kalit kining mibunot sa iyang armas ug mipabuto hinungdang napugos sa pagbalos ang otoridad nga misangpot sa kamatayon niini.
Lakip sa narekober sa operasyon ang 1 ka unit sa , 38 nga kalibre sa pistola, tulo ka basyo ug laing mga buhing bala, 2 ka sachet nga dunay sulod sa gitoohang shabu nga mitimbang ug usa ka gramo.
Adiser pa ang maong panghitabo, usa ka search warrant ang gi-implementa sa kapulisan sa may Purok 1, Teachers Village, Barangay Hubang, San Francisco, Agusan del Sur alas 9:45 kagabii nga miresulta sa pagkasikop sa subject nga si Franklin Barque Bertico, 45-anyos, menyu ug residente sa maong barangay.
Nakuhaan ang suspek ug 7 ka sachet sa gitoohang shabu nga gibana-banang mitimbang ug 2 gramos ug market value nga miabot sa 23-mil 600 pesos.
Ang suspek gikustudiya na sa San Francisco Municipal Police Station alang sa tukmang disposasyon.
