BUTUAN CITY –Gitigbas-patay, ang Purok President sa Purok-5C Brgy. Antongalon, ning dakbayan sa Butuan nga si Pablo A. Roca sa kaugalingon niining pagumangkon nga si Maximo Ramirez kagahapong adalwa, Hunyo 22.
Saysay sa suspek sa eksklusibong pakighinabi sa Bombo Radyo Butuan, nahimo matud pa niini ang maong krimen tungod kay dugay na siyang nagdumot kang Roca, ilabi na nga nakumpirma matud pa sa DNA test nga si Roca maoy amahan sa ikaduhang anak niini.. Apan sumala ni Ramirez nga wala siya nagbuhat og dili maayo ngadto sa iyang uyuan, hinoon mipalayu nalamang siya pagpuyo.
Napukaw ang maong kasuko niini human siya gikasab-an sa iyang uyuan tungod sa wala lang niya pagpasiga sa suga sa poste diha sa dalan dool sa ilang balay, nga depensa pa niini wala siya mahibalong duna diay kini bag-ong bombilya nga gitaod.
Gihagit matud pa siya sa biktima nga pagawason sa ilahang balay, nga niadtong higayona nagbitbit na ug bato. Dinhe na siya migawas sa balay nga dunay dala nga sundang og gitigbas ang biktima.
Gihimakak usab niini nga muabot sa 11 ka samad ang na-angkon sa biktima tungod kay sa iyang pagbana-bana anaa lang sa unom, ug dili usab niya intensiyon nga patyon ang maong Purok President.
Tungod niini, nagbasol ang suspek sa iyang nabuhat dayung butyag nga atubangon niya ang silot nga ipahamtang ngadto kaniya.
