BUTUAN CITY – Personal nga midalikyat ning sibyahan si Lea Mendoza-Galindo, ang presidente sa Purok 1, Brgy. Ampayon ning siyudad aron limpyuhan ang iyang pangalan nga gidaut matud pa sa nasuko kaniyang residente tungod sa wala nadawat nilang cash aid nga gikan sa SAP.
Sa eksklusibong pakighinabi sa Bombo Radyo Butuan, gibutyag sa opisyal nga nakita niya sa Facebook post sa usa sa iyang mga sakop nga iya matud pang gipalabon ang iyang pamilya kaysa tinud-anay nga nanginahanglan niini.
Sigon ni Galindo, gitarong niya og evaluate ang iyang mga sakop aron mahatagan ang angayang hatagan apan wala na siya masayod kiung nganong nangawala ang pangalan sa uban samtang ang pangalan sa usab sa ubang namatay na, anaa sa listahang gipasa sa taga-City Social Welfare and Development.
Aminado usab siyang gi-apil niya sa listahan ang iyang bana, iyang ugangang lalaki ug tulo ka mga bayaw apan sa pagpang-apod apod na sa kwarta, ang iya lang bahin ang iyang gikuha.
Kini tungod sa rasong dili angayang mudawat niini ang iyang mga kabanay ilabina nga duna pa’y mas angayang mudawat niini.
Iya usab nga giklaro nga dili siya ang angayang basulon sa maong hitabo tungod kay bisan siya, naglibog nganong wala na magkadimao ang listahan nga iyang gisubmite ug ang listahan nga gikan sa CSWD nga maoy gibasehan sa hataganan sa maong ayuda.
