-- ADVERTISEMENT --
BUTUAN CITY – Padayon pang gi-imbestigahan sa Butuan City Police Station 5 ang natigayong pagpamusil pasado alas-6:30 kagabii sa may Brgy. Tungao nga miresulta sa kamatayon sa usa ka purok chairwoman.
Gi-ila ni station commander PCapt. Paul Paden ang biktimang si Esther Betonio, residente og chairwoman sa Purok 21 sa nasangpit nga barangay.
Migawas sa ilang imbestigasyon nga sakay ang biktima sa motorsiklong gimanehuan sa iyang bana og dihang mihunong sila, duha ka motorsiklong gisakyan sa tag-duha ka wala mailang mga lalaki ang mitapad kanila dayong pusil sa biktima sa maka-upat ka higayon resulta sa iyang hinanaling kamatayon.
