BUTUAN CITY – Gibulgar ni Albuera, Leyte Police Chief PLt Col. Jovie Espinido nga pundo gikan sa operasyon sa Philippine Offshore Gaming Operators kon POGOs maoy gigamit alang sa reward system sa mga pulis tungod kay duna’y quota ug reward system sa war on drugs sa Duterte administration.
Sa pagpangutana ni Rep. Migs Nograles kang Espinido kung duna ba’y bendisyon ug order ang pagpundo sa POGO sa reward system nga mi-agi matud pa kang Senador Bong Go, tubag usab ni Espinido, nga base kini sa impormasyon nga iyang nadawat gikan sa usa ka Mayor Navarro apan wala direktang gilambigit ni Espinido si Senador Go sa POGO.
Gipangutana usab ni Nograles kang Espinido kung ang tanang mga nahitabo, duna bay bendisyon sa taas, kansa positibong gisanong sa police official.
Gibulgar usab ni Espinido nga nasayod ang mga pulis nga duna’y quota ug reward system ilabina kung ang namatay, anaa sa watchlist bisan og duna’y gihimong legitimate buy-bust operation o wala.
Gi-angkon pa ni Albuera, Leyte Police Chief PLt Col. Jovie Espinido nga si Senador ug kanhi Philippine National Police Chief Ronald ‘Bato’ de la Rosa ang nagtudlo kaniyang hepe sa kapulisan sa Albuera, Leyte.
Sa pangutana usab ni Manila 3rd District Rep.Joel Chua kung unsa ang mga direktiba ni kaniadto Chief PNP Director General de la Rosa sa pag-assign kaniya sa Albuera, gibutyag niining mihangyo si Bato nga tabangan siya ug si kaniadto Pangulong Rodrigo Duterte sa ilang war on drugs aron mawala na kini sa maong lungsod.
Dinhi na usab gibulgar ni Espenido ang mga pulong nga gigamit ang mga pulis higayong duna’y mga anti-illegal drug operations nga himuon.
