BUTUAN CITY – Gipiling maghilom ni Davao City Representative and reelectionist Paolo “Pulong” Duterte kalabot sa physical injuries ug grave threat nga gipasaka batok kaniya sa Department of Justice.
Sumala sa opisyal sa facebook page sa maong opisyal, gipanawagan niini sa mga Davaoeño nga dili matud pa siya manginlabot kung si kinsa ang ilahang pilion isip representate sa unang distrito sa Davao, ilabi na matud pa nga dunay nigawas nga video batok kaniya.
Sigon usab niini nga wala pa niya madawat ang kopya sa nasangpit nga reklamo ug kasamtangan pang gi verify sa iyahang legal team ang video diin kini nakita nga nanakit sa reklamante.
Kahinumduman nga gipasakahan og kaso sa usa ka negosyante ang nahisgutang kongresista kansa nag akusa nga gilapas matud pa ni Duterte ang Article 265 and Article 282 of the Revised Penal Code.
Sigon sa reklamate sworn statement niini nga gihulga matud pa siya ni Duterte gamit ang kutsilyo ug gikulata pa sa halos duha ka oras.
“At hineadbutt niya ko sa ulo ng maraming beses at ako ay humihingi sa kanya ng patawad kung ano man ang nagawa kong mali sa kanya ngunit patuloy pa rin siya na hineadbutt ang aking ulo at inuundayan niya ulit ako ng kutsilyo,”
REKLAMANTE
Dugang niini nga gipa-off matud pa ni Duterte ang nabantayan niining CCTV.
Dugang pa sa reklamante nga “Halos 2 hours niya akong sinaktan sa loob ng bar. Suntok, sampal, tadyak, ang aking inabot kay Paolo Duterte dahil sa galit niya sa akin.”
Subay pa sa reklamante nga gihatagan matud pa siya ni Duterte og usa ka libo matag hapak nga iyahang nadawatan.
