BUTUAN CITY – Nagkadugo nga nangahapla sa kalsada ang duha ka hitman human maka-agbat sa usa ka pulis.
Giila ang usa sa mga suspek nga si Haber Tating, residente sa Zone 5, Barangay Ayala Zamboanga City ug dunay standing warrant of arrest sa 2 kaso sa pagpatay.
Gitambalan usab sa ospital ang samad sa tiyan ni PSMS. Ryan Mariano, miyembro sa Intel Operative Zamboanga City Police Station 9.
Sigon ni Zamboanga Police acting City Director Police Colonel Kimberly Molitas, nahitabo ang insidente sa nakalabay nga Martes sa Zone 1, Barangay Ayala, Zamboanga City.
Migawas sa imbestigasyon nga samtang mihimo sa trabaho si Mariano, kalit na lang siyang gipusil sa suspek og naigo sa tiyan.
Apan bisan paman niini, mibalos kini og gigukod pa ang mga suspek nga miresulta sa binayloay og bala.
Gigamit niini ang sakyanan nga miagi lang aron makago samtang gipamusil ang mga suspek nga miresulta sa kamatayon sa duruha.
Gelayon nga gidala sa ospital si Mariano ug usa ka bata nga naigo sa stray bullet nga karun anaa na sa maayong kondisyon.
Sumala sa Philippine National Police, si Mariano ug mga kaubanan gideploy isip mga undercover operatives ug lakip sa ilang target si Tating.
Gihatagan og pa-ila ang gipakitang kaisog ni Mariano nga gawas sa spot promotion hatagan usab kini og reward.
