BUTUAN CITY – Pormal nang gireklamo sa Quezon City Police Office kon QCPD ngadto sa city prosecutor’s office si Patrolman Francis Steve Tallion Fontillas og paglapas sa Article 142 (inciting to sedition) sa Revised Penal Code subay na sa Republic Act 10175 kon mas nailang Cybercrime Prevention Act of 2002.
Kini subay na sa iyang mga social media posts human ang pagka-aresto ni kanhi Pangulong Rodrigo Duterte.
Migawas sa records gikan sa District Personnel Records and Management Division nga si Patrolman Fontillas, gi-assign ngadto sa District Personnel and Holding Administration Section kon DPHAS, sukad niadtong Pebrero 20 ning tuiga ug nag-absent without official leave kon AWOL sukad niadtong Marso 6, 2025.
Gipahinumduman usab sa QCPD ang ilang mga personahe nga musunod sa pinakataas nga standards sa professionalism ug sa disiplina ingon man magpabiling apolitical kon wala’y dapigan sa pulitika ug non-partisan sa tanang panahon ug maglikay pag-post og dili otorisado ingon man biased nga mga contents sa social media ug ubang mga communication platforms.
