BUTUAN CITY – Dakong garbo alang sa Police Regional Office kon PRO-13 nga ang ilang entry ang nahimong mananaog sa ‘2019 Search for Model PNP Families’ sa entiro nasud nga gipangunahan mismo sa National Police Commission kon NAPOLCOM.
Sa eksklusibong pakighinabi sa Bombo Radyo Butuan, gipadayag nii Police Staff Sergeant Mashul Nami Jr. nadestino sa Bayugan City Police Station sa Agusan del Sur, nga siya ug ang iyang pamilya ang napiling mananaog sa
Sa eksklusibong pakighinabi sa Bombo Radyo Butuan, gibutyag ni Staff Sergeant Nami nga wala niya lauming sa pagtambong niya mismo sa awarding ceremonies kaganinang buntag didto sa Kampo Crame, ang iya diay’ng pamilya ang napiling mananaog.
Giklaro niini nga dili usab basta-basta ang mga ka-ubanan niyang contenders tungod kay mga awardees usab sila sa tagsa-tagsa nila ka lugar.
Dakong kabahinan matud pa sa iyang kada-ugan ang duha ka tuig nang gihingusgan niyang gipatuman nga ‘Project Thank You’ sa ilang komunidad sa mga Muslim.
Iyang gipasabot nga ang maong proyekto gisentro niya sa iyang mga katribong Muslim sama sa paglusad og mga information dissemination, community visitation ug uban pang mga kalihukan nga maka-ayo sa Muslim community kansa mao ang best practice sa ilang police station.
Ang iyang mga kalihukan hugot nga gisuportahan sa iyang asawa og upat nila ka mga anak kinsa pulos nanguna sa tagsa-tagsa nila ka mga tunghaan didto sa Bayugan City.
