BUTUAN CITY – Patay ang usa ka pulis human mibangga ang iyang sakyanan sa usa ka dump truck kagahapon sa hapon sa national highway sa Purok 2, Barangay Glamang, Polomolok, South Cotabato.
GI-ila sa Polomolok Municipal Police Station and biktimang si Patrolman Fahad Asmi Masula, 25-anyos, residente sa Barangay Cacub, Koronadal City ug na-assign sa Regional Mobile Force Battalion (RMFB) 12.
Migawas sa imbestigasyon nga padulong unta sa General Santos City si Masula dihang mibangga ang iyang gimanehuang sakyanan ngadto sa kasugat nga dump truck nga gimanehuan usab ni Ronnie Anggot Torino.
Tungod sa kakusog sa impact, mipilit si Patrolman Masula sa driver’s seat, hinungdan sa lisod nga pag-rescue kaniya hangtud nga wala na kini kinabuhi dihang nakuha.
