BUTUAN CITY – Patay ang usa ka pulis human aksidenteng na-igo sa iyang service firearms ang iyang tiyan sa Sitio Ukban, Barangay Buhisan, Cebu City kagahapon sa alas-9:00 ang takna sa buntag.
Ang 33-anyos nga biktimang gitago lang sa pangalang ‘Lolong’, na-assign sa Provincial Investigation and Detective Management Unit (PIDMU) sa Cebu Police Provincial Office (CPPO).
Nasuta sa nakuhang CCTV footage gikan sa balay sa biktima nga naghubo ug nagkuha sa iyang pistol belt dayon sa iyang 9-mm pistol kondiin aksidente niining nakablit ang armas nga mi-igo sa iyang tiyan rason nga dali kining gidala sa Vicente Sotto Memorial Medical Center apan namatay paglabay sa pipila ka oras.
Wala’y nakitang foul play sa maong hitabo rason nga dawat na sa iyang pamilya ang nadangatan niini.
