BUTUAN CITY – Gimanduan ang National Police Commission (Napolcom) nga imbistigahan ug pasakahan og administrative charges ang usa ka Police patrolman, nga nailang si Patrolman Francis Steve Tallion Fontillas, tungod sa social media posts niini mahitungod sa pagka aresto ni kanhi Presidente Rodrigo Duterte.
Una nang gipamugos sa Philippine National Police (PNP) nga kinahanglang magpabiling non-partisan matud pa ang ilahang ahensya taliwala sa pagdagsang sa suporta diha sa social media alang sa kanhi Presidnete, kansa didala sa International Criminal Court (ICC) arun taralon sa kaso niining gikaatubang nga Crimes Against Humanity.
Sumala ni Napolcom Commissioner Ralph Calinisan sa pamahayag niini nga gigamit matud pa sa maong patrolan ang social media niini alang sa iyahang kaugalingong politikanhong laraw. “He has used his social media for partisan political activity, in violation of the Primer on Personnel Decorum and the Code of Ethics of the PNP, among others. Worst, his posts are clearly malicious and criminal in nature as they are already inciting to sedition,” saysay ni Calinisan.
Sa deleted post ni Fontillas, gibaharan niini ang International Criminal Police Organization kon Interpol ingon man ang ICC nga dili matud pa hilabtan ang kanhi Presidente, kundili, sugdan matud pa niini ang kagubot.
Sa laing pamahayag, gikabutyag sa Quezon City Police Department nga pasakaan na matud pa og kasong inciting to sedition in relation to the Cybercrime Prevention Act si Fontillas.
Sa pamahayag ni Fontillas sa usa ka mantalaan, gipagawas niini ang iyahang kasuko, diin sumala pa niini nga unlawful matud pa ang nahisgutang lakang sa pangamhanan batok kaniya, ilabi na nga giexcersise lamang niini ang iyahang katungod sa kagawasan sa pagpahayag.
Apan subay niini, gikataho usab ni Calinisan nga limitado lamang matud pa ang kagawasan sa mga kapulisan sa pagpadayag arun ma mintinar ang ilahang neutrality. “While admittedly, PNP personnel have rights to freedom of expression as guaranteed in our Constitution, these rights are limited by their obligation to maintain neutrality and avoid actions that could compromise public trust and undermine the public’s perception of their impartiality.” sigon ni Calinisan.
