BUTUAN CITY – Nagpositibo sa ilegal nga druga ang pulis sa General Santos City nga namusil-patay og usa ka pasahero sulod sa bus niadtong alas-dos sa kaadlawon sa Disyembre 28, 2024 sa Brgy. sa Kinuskusan, lungsod sa Bansalan, Davao Del Sur ug namusil pa sa iyang mga kabaro nga anaa sa checkpoint diin gipahunong sa pulis ang bus.
Madumdumang patay sa maong hitabo ang pasaherong gwardiya nga si Reynaldo Bigno Jr., residente sa sa Sitio Flortam, Batasan, Makilala, North Cotabato human gipusil sa ulo ni PCpl. Alfred Dawatan Sabas, aktibong police sa Police Sation 7 sa General Santos City.
Nasayrang gimanduan pa sa pulis ang bus driver nga muhunong sa checkpoint sa 1104th RMFB 11 border control point sa New Opon, Magsaysay, Davao del Sur aron mangayo og tabang apan imbes nga musurender, gipamusil niini ang duha pa ka mga pulis nga parehong gidala sa ospital.
Nasayrang ka-uban sa suspetsado niadtong tungura ang iyang asawa diin naglalis matud pa sila ug karong lango sa makahubog nga ilimnon ang suspetsado kinsa milayas pa apan nadakpan ra sa gilusad nga hot pursuit operation.
