BUTUAN CITY – Hingpit nang napasakaan og duha ka ihap sa kasong pagpatay ang pulis nga namusil-patay sa duha ka dalaga sulod sa usa ka imnanan sa Purok 3, Bongaitan District, sa Barangay Mangagoy, Bislig City nga nailang sila Janeth Catarman Besa, 25-anyos, dalaga, residente sa Brgy. San Vicente, ug Karyl Mae Abanggan, 21-anyos, dalaga ug residente sa Brgy. Tumanan, Bislig City.
Sigon ni PCol. Harry Domingo, provincial director sa Surigao del Sur Police Provincial Office, gipasaka ang kaso sa Bislig City batuk kang Police Master Sergeant (PMSg) Kinneth Viola Cacho, 37-anyos, minyo, residente sa Barangay Poblacion, Cateel Davao Oriental ug nadestino sa Davao Oriental-Provincial Drug Enforcement Unit.
Padayon ang ilang paningkamot nga mahatagan og hustisya ang pamilya sa mga biktima ilabina dihang nakumpirma nila nga nasuko matud pa ang pulis human nasayran nga duna nay admirer ang usa sa mga biktima nga iyang karelasyon nga maoy rason sa pakigbulag kaniya.
PCol. Harry Domingo, provincial director sa Surigao del Sur Police Provincial Office sa pakighinabi ning sibyahan. .
