BUTUAN CITY – Gipasakaan na og kasong sibil pinaagi sa inquest proceedings ang usa ka pulis human nakapusil sa usa ka sibilyan pasado alas-10:35 kagabii sa may JC Aquino Avenue ning siyudad sa Butuan.
Gikumpirma ni PLCol. Christian Rafols – tigpamaba sa Police Regional Office kon PRO-13, kasong frustrated murder ang gipasaka sa kabanay ni Harvey Joy Berundo, 20-anyos, residente sa Zacor, Brgy. Tandang Sora ning siyudad sa Butuan batuk kang Police Master Staff Sergeant Arnel Aceron, na-destino sa Regional Police Holding and Accounting Office kon RPHAO.
Mahinumdumang gipusil sa maong pulis ang biktima sa gawas nga bahin sa usa ka imnanan tungod matud pa sa pagsibat niini sakay sa iyang motorsiklo dihang iyang gisita, base sa inisyal nga pamahayag sa nasikop nga pulis.
Sigon ni Rafols, muhimo usab sila og kaugalingong imbestigasyon og kung mapamatud-ang wala mi-agi sa saktong proseso ang gipasi-atab niining pagpasalba lang ang iyang gihimo batuk sa misibat nga sibilyan, bug-at nga silot ang iyang atubangon.
