BUTUAN CITY – Hilabihan ang pagpasalamat sa usa ka pamilya gikan sa Basilan human hingpit na nilang nakita ang ilang igsoon nga tulo ka tuig nang nawala tungod sa tabang sa Bombo Radyo Butuan.
Nasayrang niadto pang 2017 midangop ning sibyahan sila Satar Sakilan, usa ka Muslim aron makita ang iyang igsoon nga pulis nga si SPO2 kon Police Senior Master Sergeant Moreno Bebe.
Mibalik si Satar ning mi-aging semana sa Bombo Radyo aron subling manawagan kansa nabati sa daghang mga tigpaminawan apil na ni kanhi Bayanihan, Butuan City Brgy. Captain Danilo Babor kinsa maoy nagpa-abot sa nahimutangan ni Bebe rason nga dali usab kining gi-coordinate sa pamilya Sakilan hinungdan sa ilang pagdalikyat dinhi sa Butuan.
TUngod niini, gibalikan nila ang Bombo Radyo aron personal nga magpasalamat.
Naputos usab sa pagpasalamat si SPO2 Bebe tungod kay dugay na usab niyang gustong makita pag-usab ang iyang pamilya ilabina ang iyahang inahan.
Saysay pa niini, problema sa pamilya ang nagtuklod kaniya nga mobiya sa ilang lugar ug miuban sa iyang higala nga mao nay gisak-an niya ning siyudad sa Butuan.
Sumala pa niini, hilabihan ang iyang kalipay sa dihang nakita niya mismo ang iyang inahan nga mianhe gayud sa Butuan City og dayung butyag nga gusto na usab niyang mubalik sa iyang pamilya.
