BUTUAN CITY – Nagpadayon ang gilusad nga pursuit operations sa kapulisan sa Prpsperidad, Agusan del Sur ngadto sa nanibat nga mga rebeldeng New People’s Army kon NPA human ang ilang pagbanhig sa usa ka team sa mga pulis nga sakay sa mobile patrol kaganinang buntag.
Ang maong hitabo nga natigayon sa national highway sa Brgy. San Jose, mi-angol kang Patrolman Camelo Estioco Jr., kinsa na-igo sa iyang tiil og gidala na sa usa sa mga ospital ning siyudad sa Butuan.
Sa eksklusibong pakighinabi ning sibyahan, gibutyag ni Prosperidad, Agusan del Sur deputy chief of police Lt. Edgar Marco nga padulong unta sa regional office sa Police Regional Office kon PRO-13 ang usa ka team sa mga pulis kinsa gi-atangan na sa mga rebeldeng nagsalipod lang mga tanom nga falcatta.
Milungtad og pila ka minutos ang engkwentro sa duha ka panig adiser misibat padulong sa lasang ang mga rebelde bitbit ang mga ka-ubanan nilang posibleng na-angol o kaha nakalas base na usab sa lama sa dugo sa maong encounter site.
