BUTUAN CITY- Normal lang matud pa ang gihimong padpadyon nga pagpangita sa International Criminal Court kon ICC og dugang nga mga witnesses kalabot sa kaso batok kang kanhi President Rodrigo Roa Duterte.
Sumala ni Atty. Luke Espiritu, Presidente sa Bukluran ng Manggagawang Pilipino, nga normal lamang sa ubang nasud ang maong klase sa imbestigasyon diin ang mga investigative offices mangayo og impormasyon gikan sa publiko.
Gipasabot usab niini, nga sukwahi sa Pilipinas, diin bisan adunay gi-ingon nga Cola techniques dili gihapon matud pa seryoso ang proseso sa imbestigasyon tungod kasagari ang mga Police Patola techniques minggamit lang og law enforcement agencies aron nga makakuha og confession ug affidavit.
Gipasi-ugda usab sa abogado, nga sa ubang nasud daw seryoso ang ilang pagpangita og ebidensya pinaagi sa pagkuha gikan sa pinakalapad nga tinubdan, ug ginahinay nga ginaseparar ang tinuod ug importante nga impormasyon gikan sa mga walay bili o sayop.
Matod pa ni Espiritu, ang kalihukan sa ICC usa ka paningkamot nga makakuha og lig-on ug bag-ong ebidensya nga gikan mismo sa publiko aron mapalig-on ang kaso batok kang Duterte.
Dugang pa ni Atty. Espiritu, nga ang proseso sa pagkuha og impormasyon aron mahimong saksi sa International Criminal Court (ICC) dili pa diretso nga ebidensya.
Ang ginapangita sa ICC karon mao ang mga leads o mga tinubdan nga impormasyon kansa posibleng magdala ngadto sa lig-on nga ebidensya.
Sunala pa ni Espiritu, nga sayop ang hunahuna sa uban, ilabi na sa kampo ni Duterte, nga kini mahimong pamaagi sa paghatag og sayop nga impormasyon.
Gani, ang mga investigative agents sa ICC seryoso ug eksperto sa pag-ila kung unsa ang walay bili, binuhat-buhat, ug unsa ang adunay tinuod nga value.
Ang mga leads nga ilang makuha dili pa ebidensya, apan mahimong “ripen into evidence” kon kini masusi ug ma-evaluate sa mga batid nga imbestigador.
Sigon pa niini, nga ang pagbukas sa publiko sa pagpangita og leads bahin sa drug war wala nagpasabot nga tanan nga impormasyon gamiton, diin ang mga niini ginaseparar pa ug ginapili aron masiguro nga ang ebidensya nga gamiton lig-on ug kasaligan.
