BUTUAN CITY – Gipahinumduman sa mga health experts ang tanan nga bantayan ang ilang kasing-kasing dili lang kay Valentine’s Day kondili tungod usab sa pagsa-ulog sa Philippine Heart Month ning buwan sa Pebrero.
Tambag nila sa publiko, likayan ang mga pagkaong duna’y trans fat kondiin kay 36-porsiento kon usa sa matag-tulo ka Pilipino ang duna’y sakit sa kasing-kasing ug sa nakalabat’ng lima ka tuig, kini gihapon ang nag-unang hinungdan sa kamatayon.
Ang trans fat usa ka klase sa tambok nga nga kasagatang hinungdan sa pagkabara sa dagan sa dugo sa ka-ugatan nga mahimong hinungdan sa sakit sa kasing-kasing.
Kasagaran kining makuha sa piniritong pagkaon sama sa mga fast food meals, pastries ug kadtong nakapaketeng mga pagkaon.
Sigon sa food nutritionist nga si Mary Grace Lopez, karong Valentine’s day diin magbaha ang mga tam-is nga pagkaon sama sa chocolates, mas maayong tilawan lang kini ug dili hutdan sa usa lang ka lingkuran.
