BUTUAN CITY – Gipahimangnuan ang publiko sa dili paglambigit sa bisan unsa mang kalihukan sa grupong nagpa-ilang Federal Tribal Government of the Philippines kon FTGP kansa wala girekognisa sa National Commission on Indigenous Peoples (NCIP) ug bisan unsa mang affiliate agencies sa gobyerno.
Sigon ni NCIP-Region 11 Director Atty. Geroncio Aguio, ang maong grupo nga gipangunahan sa ilang Governor General nga nagpa-ilang si Datu Higyawan Na Holag-Ayan kon Carmelito Escudero sa tinuod nga kinabuhi, usa ka non-government organization nga wala girekognisa sa NCIP ug sa Indigenous Political Structure of the Indigenous Cultural Communities kon ICC sa Region 11 rason nga ang ilang gihimong mga kalihukan ug mga transaksyon, wala’y kalabutan ang maong mga buhatan.
Madumdumang niadtong Hunyo 17, 2024, mihimo og headlines ang FTGP dihang nagsubmite sila og sulat ngadto kang Supreme Court Chief Justice Lucas Bersamin nga nag-demand sa dismissal sa tanan matud pang mga imaginary ukg premeditated nga mga kaso batuk sa Kabus Padatuon kon KAPA Community Ministry International, Inc. sulod lang sa 72-oras.
Tumong sa apela sa grupo nga matabangang maprotektahan ang katungod sa mga Indigenous Peoples (IPs) nga na-apektuhan sa pagpasir sa KAPA ug pagka-aresto sa ilang mga opisyal.
Madumdumang ang KAPA, kansa usa ka registered religious group, una nang gibaraw sa Securities and Exchange Commission (SEC) tungod sa pag-soliciti og mga investments gikan sa katawhan pinaagi sa donasyon nga duna’y binuwang interest rate nga 30-porsiento. Gi-revoke gilayon sa SEC ang rehistrasyon sa grupo ug nag-isyo og cease and desist order batuk sa ilang operasyon.
