BUTUAN CITY – Nanawagan si Department of Justice Sec. Fredderick A. Vida sa publiko nga makighiusa sa pagdaginot sa kuryente sa ilang tagsa-tagsa ka mga puluy-anan.
Gitumbok ni Justice Sec. Vida nga ang himoong pagdaginot sa konsumo sa enerhiya o kuryente dapat magtinabangay o motampo ang tanan. Nagtoo kining pinaagi niini dili lang makatipid ang katawhan kundi mapreserba pa bisan ang suplay nga aduna ang Pilipinas.
Bisan og makabalaka ang mga panghitabo og epektong hatud sa nahitabo sa Middle East, gihagit niya ang publiko nga padayong mag-ampo.
Ang nasangpit nga pamahayag alayon sa gihimo nga pagdaginot sa enerhiya sa mga opisina sa Department of Justice diin gipatuman ang pipila ka mga restriksyon o kabag-ohan sa buluhaton o trabaho.
Alayon sa hisgutanang pagtipid, girekumenda usab ni Justice Sec. Fredderick Vida nga makabaton og kabag-ohan sa ‘fuel allocation’ ang buhatan alang sa mga trabahante niini.
Kunhuran nila og 20% ang alokasyon sa Department of Justice pang-gasolina sa mga opisyal isip pakighiusa sa pagdaginot.
Tumong niini nga makatabang pa sa pagpalugway o pagpabilin sa suplay sa gasolina nga duna ang sulod sa nasud.
Bisan paman niini, gipaneguro sa kalihim nga magpadayon pa gihapon ang mga aktibidad, lakip na ang trabaho ug responsibilidad sa ahensiya.
