-- ADVERTISEMENT --
BUTUAN CITY – Nagbahad ang Department of Health (DOH) sa kadaut nga mahatud diha sa lawas sa oil spills human ang pagtikla-ob sa MT Terra Nova sa Limay, Bataan.
Sigon sa DOH, maghatag og daghang epekto sa lawas ang oil spill kung direkta kang ma-igo niini sama sa iritasyon sa mata, pagtaas sa blood pressure, irregular nga pagpitik sa kasing-kasing, pagsakit sa ulo, kawala’y gana sa pagkaon ug kawala’y konsentrasyon.
Pwede usba nga makasinati ka og iritasyon sa lawas, pagkasunog sa panit, pagpamakpak ug dermatitis rason nga magpakunsulta gilayon sa doktor.
Gitambagan usab sa DOH ang mga local government units sa Bataan nga magbutang og warning signs sa lugar aron dili kini ma-adtuan sa mga tawo.
