BUTUAN CITY – Magpahigayon og public viewing sa patay’ng lawas ni kanhi Dinagat Islands Congressman ug Philippine Benevolent Missionary Association, Inc. Kon PBMA grand master Ruben Ecleo Jr. human kini naka-abot kagahapon sa pantalan sa San Jose.
Gisugat ang lungon sa kanhi kongresista sa mga tag-as nga opisyal pagpanguna nila San Jose Mayor Yngwie Hero Ecleo, Governor Kaka Bag-ao, Vice Governor Nilo Demerey, Jr., ingon man sa mga sakop sa Philippine National Police, Philippine Coast Guard ug sa Philippine Navy.
Gi-transport kini pinaagi sa motorkada padulong ngadto sa PBMA Shrine kon diin naglinya sa kadalanan ang mga Dinagatnons nga mihatag sa ilang respeto ngadto sa namatay na nilang lider.
Wala pa masayri kung kanus-a ihatod sa katapusang pahulayanan ang kanhi PBMA sa nasangpit nga probinsya.
