BUTUAN CITY – Nagpakitang-gilas agad ang Gilas Pilipinas Youth sa pagbukas sa kampanya niini sa FIBA U16 Asia Cup SEABA Qualifiers human niini gilat-ang ang kuponan sa Vietnam sa iskor nga 113-62.
Gihimo ang maong dula sa Bren Z. Guiao Convention Center sa Pampanga. Kini usab ang pinaka unang opisyal nga dula ni PBA legend LA Tenorio isip head coach sa national youth team.
Taliwala pa man nga dikit ang away sa unang quarter pinaagi sa iskor nga 29-20, padayon nga ning kamada ang Gilas sa second quarter ug natala pa niini ang 61-33 nga iskor alang sa halftime lead, ug wala na maka gukod pa ang Vietnam.
Gipanguluhan ang maong dula nila ni Travis Pascual, ang opensa sa Gilas kansa ning paulan og 16 puntos, samtang nagdoble-doble usab si Prince Cariño alang sa 16 points ug 12 rebounds niini.
Ning amot usab og 14 puntos si Jolo Pascual ug 10 points usab gikan kang Jhustin Hallare. Sa kasamtangan 1-0 record na ang rekord sa Pilipinas ug Vietnam, sunod nga kalabanon sa Gilas Youth ang Thailand karong gabie sa samang venue.
