-- ADVERTISEMENT --
BUTUAN CITY – Mi-uyon si Russian President Vladimir Putin nga dili una siya mu-atake sa Ukraine human kini gihangyo matud pa kaniya ni United States President Donald Trump base na usab sa usa ka semana nga paghunong sa mga pag-atake.
Gikumpirma usab kini ni Trump, kinsa mi-angkon nga personal gayud niya kining gihangyo kang Putin.
Tumong niini ang paghan-ay sa negosasyon ug aron makab-ot na ang permanenteng ceasefire. Wala na matumbok ni Trump kung kanus-a nahitabo ang ilang panag-istoryahanay ni Putin.
Mahinumduman nga padayon nga giduso ni Trump ang ceasefire tali sa duha ka nasod, diin makadaghang higayon na silang naghisgot niini.
