BUTUAN CITY – Padayon karun ang gihimong psycho-social intervention ngadto sa mga kabataan og magtutudlo nga nakasaksi sa hitabong pagpangluba sa usa ka magtutungha ngadto sa iyang classmate nga miresulta gayud sa kamatayon.
Sigon ni Emilio Makiling, Disaster Risk Reduction and Management kon DRRM Coordinator Department of Education-Butuan City Division nga duna silay team sa mga guidance counsilor nga padayong mihimo og intervention kauban ang team gikan sa city social welfare and development department sa siyudad sa Butuan.
Kini dayung pagklaro nga wala gayud nila biyae ang bata sukad sa panghitabo hangtud nga kini nabugtoan sa kinabuhi.
Sigon ni Makiling, puli-puli sila sa mga magtutudlo sa pagbantay sa bata gane siya matud pa ang katapusan anaa sa kiliran sa bata adiser kini naputlan sa gininhawa.
Samtang gikumpirma usab ni Makiling nga dili Children in conflict of the Law kon CICL ang biktima. Sumala pa niini nga 6-anyos palang ang bata sa dihang nakit-an sa kalsada rasong gibutang kini sa Lingap og pagdako didto sa Home for the Boys ilabina kay namatay na usab ang amahan niini.
