BUTUAN CITY – Nagtuo si kanhi Senador Antonio Trillanes IV nga si Senadora Risa Hontiveros ang pinakakusog ug pinaka-kwalipikadong pambato pagka-pangulo sa 2028 presidential elections batuk kang Vice President Sara Duterte. Kini kung dili hingpit nga ma-impeach ang besi presidente ug makadagan sa maong posisyon sa maong tuig.
Sigon ni Trillanes, mas pilion niya si Hontiveros kaysa nila Senador Bam Aquino ug kanhi Vice President Leni Robredo. Wala gisalindot ni Trillanes ang posibilidad nga madumala og maayo nila Hontiveros ug Aquino ang nasud kung anaa kinisa malinawong sitwasyon apan dili kini nga sitwasyon ang nahitabo karon sa Pilipinas tungod sa mga dautang pwersa.
Kini ang hinungdan nga gikinahanglan karon sa nasud ang usa ka tawong duna’y lig-ong baruganan kansa pila ka higayon na matud pang gipamatud-an ni Hontiveros.
Samtang kang Robredo, nakita ni Trillanes ang maayong kasing-kasing niini apan duna siya’y reserbasyon niini tungod sa pagpakighigala ni Robredo kang VP Sara dihang mibisita kini sa iyang pinuy-anan sa Naga City niadtong Septembre ning mi-aging tuig.
Samtang si Aquino, mi-abin sa majority bloc sa Senado diin sakop usab ang mga senador nga pabor kang Duterte.
