BUTUAN CITY – Padayon gihapon ang mga protesta sa mga immigrants sa Los Angeles, California batuk sa gihimong raids sa mga otoridad kansa nagsugod sa gihimong raid sa usa ka home depot niadtong Sabado – oras sa Pilipinas samtang sa mi-aging Biernes, oras sa maong estado, nga gisundan usab sa protesta pagsunod adlaw.
Gibutyag ni Bombo international correspondent to Los Angeles Ferdinand Nakila, nagpadala na og mga National Guards si United States President Donald Trump sa maong lugar tungod kay gubot na ang unang malinawong protesta human gisakyan sa mga dautang elemento ug mga homeless nga mga tawo kinsa nanunog na og mga sakyanan ug nanglungkab na sa mga tindahan dayong pangawat.
Kagahapon, gideklara na sa usa ka huwis sa San Francisco nga unconstitutional ang gimandong raid sa presidente apan wala kini nahimong babag aron unta bakwion sa presidente sa iyang gipadala nga security forces.
Hinuon ang taas nga pinaka-ulahing protesta, malinawon na.
Duna matud pa siya’y nakita nga duha ka mga Pinoy nga mi-apil sa protesta tungod sa pagdala nila og bandila sa atong nasud. Aminado si Nakila nga duna’y mga Pinoy immigrants nga kabado sa kamanduan ni Trump pagsikop ug pagpa-deport sa mga illegal migrants.
Saysay niini nga daghan siya’g mga ka-ila nga mga Pinoy illegal migrants nga didto na nagpuyo ug nanarbaho sa Amerika nga apil sa nakulbaan sa kamanduan sa US president bisan og nagbayad sila og buhis ug wala’y gihimong dautan sa maong nasud.
Kadaghanan matud pa sa gipangdakop mga Hispanics nga gipalagan sa nagprotesta tungod kay gipanglaras ang pagdakop sa mga immigrants taliwa nga wala’y gihimong kremin.
