BUTUAN CITY – Gisayangan ang pamilya Veloso tungod kay dili madayon ang ilang biyahe padulong sa Indonesia aron bisitahon si Mary Jane Veloso.
Sa pamahayag sa pamilya, nakadawat sila og sulat gikan sa Department of Foreign Affairs (DFA) nga dili na mahinayon ang ilang biyahe nga nakaiskedyul unta ugmang adlawa, Disyembre 16 hangtud sa 17.
Base sa taho sa DFA nga karun adlawa nakatakdang ibiyahe si Mary Jane padulong sa Jakarta para sugdan ang proseso para sa iyang pag transfer pabalik sa nasud.
Ang pagbalhin kang Mary Jane sa Jakarta base sa mandu sa Indonesian Ministry for Law, Human Rights, Immigrations and Corecctions.
Sa karun wala pay gitakdang adlaw o petsa kung kanus-a makauli sa nasud si Mary Veloso.
Kung mahinumduman gibutyag sa gobyerno nga adiser mag pasko makauli na sa nasud ang Pinay drug mule convict.
Ang pag-uli ni Veloso sa nasud human misugot ang gobyerno sa Indonesia nga paulion kini sa Pilipinas nga walay bisan unsang kondisyon.
