BUTUAN CITY-Nagpagawas og Executive Order No. 34 series of 2021 si Agusan del Norte Provincial Governor Dale Corvera nga nagtumong sa pagbutang og mga Border control checkpoints isip precautionary measures aron malikayan nga makasulod ug posible nga pagkaylap sa Delta variant sa probinsya.
Nakalatid sa maong ordinansa ang pagrekomenda sa pagmontar og mga checkpoints aron striktong ipatuman ang minimum health standards sa tanang sakyanan ug mga byahero gikan sa Cagayan de Oro ug Gingoog City ingon man sa Region X.
Una niini gipailalom na sa Enhance Community Quarantine ang Cagayan de Oro ug Gingoog City tungod sa pas-pas nga pagsaka sa kaso sa covid-19 ug pagtumaw sa local transmission sa Delta variant.
Tungod niini ang Inter Agency Task Force sa Agusan del Norte magtigom aron hisgutan ang precautionary measures aron malikayan nga makasulod ug mukaylap ang maong variant sa nasangpit nga probinsya.
Hinugdan nga gilayong dugangan ang mga uniformed personnel nga maoy mag-man sa border control checkpoints inabagan sa mga stakeholders sama sa PDRRMO, BFP ug uban pang force multipliers.
