BUTUAN CITY – Nagpadayon ang mga nagahitabong lihok protesta sa mga estudyante sa managlahing unibersidad sa Estadus Unidos may kalabutan na sa pro-Palestine Movement.
Ang maong mga lihok protesta sa mga nagkadaiyang eskwelahan sa nasangpit nga nasod ning ulbo human nga gisikop ang anaa sa kapin 100 ka mga nagprotesta sa Columbia University sa New York ning nakalabayng semana.
Sugyut sa mga estudyante, kinahanglan nga mobiya na ang ilahang mga eskwelahan sa mga kompanyang may kalambigitan sa pagpalapnag og kusog sa Israel.
Ning kuyanap na ang maong mga protesta sa mga dagkong eskwelahan sa maong nasod sama sa Harvard University, Columbia University, New York University, Yale University, ug uban pang mga Ivy League Schools sa US.
Gatusan na usab ka mga estudyante ingon man mga propesor ang gipang sikop sa mga kapulisan tungod sa maong protesta, kansa hugot usab nga gibabagan sa mga Pro Palestinian Protesters.
Sa pagkutlo ning balita, anaa na sa 12 ka mga unibersidad sa maong nasod ang naka tala og mga pag-aresto.
Syagit sa mga nagprotesta, “from the rivers to the sea, Palestine will be free”.
