BUTUAN CITY – Nakig-alayon na ngadto sa Drug Enforcement Unit kon DEU og sa Federal Bureau of Investigation kon FBI si Police Regional Office kon PRO-13 regional director Police Brigadier General Gilberto DC Cruz alang sa dugang investigasyon nakumpiska nga lain na usab nga mga bricks sa floating cocaine.
Kini aron masuta ang ka-genuine niini og masayran kung unsa nga sindikato ang nagpaluyo sa pagpayuhot niini pinaagi sa nakasulat nga markings nga PV Bugatti kansa susama usab sa markings sa unang napalgang floating cocaine sa kadagatan sa Brgy. Pacifico lungsod sa San Isidro, lalawigan sa Surigao del Norte.
Sigon ni P/Col. Martin Gamba, officer-in-charge sa Regional Intelligence Division kon R2 Division sa PRO-13, tumong niini nga masayran kung kinsa ang sources sa maong mga ginadiling druga. Bisan og klaro matud pang dili kini alang sa Pilipinas, apan sayron gihapon nila kung para kinsa ang maong shipment.
Samtang gibutyag ni PDEA-Caraga Assistant Regional Director Irvin John Coderis, nga dalhon pa sa ilang central office ang 48.57-kilos nga floating cocaine kansa gibana-banang nagkantidad og 257.4-milyones pesos.
Nasayrang sa pagkakaron, mukabat sa 5-mil, 300-pesos ang kantidad sa matag-gramo sa cocaine base na sa gihimong consolidated review sa ilang central office.
