BUTUAN CITY – Mi-apil sa nationwide simultaneous showdown inspection sa Philippine National Police kon PNP Disaster Response Equipment Capabilities, ang Police Regional Office kon PRO 13 kagahapong adlawa.
Sigon ni regional spokesperson PMajor Jennifer Ometer, gipangunahan kini ni regional director PBGen Abrahano Abrahano, uban sa ubang mga sakop sa command group, regional ug personal staff, ug uban pang personnel.
Ang maong kalihokan gitumong sa pagsuta ug pagpakita sa ka-andam sa operasyon sa mga police units alang sa pagtubag sa mga katalagman, kalamidad, ug uban pang mga emerhensya nga sitwasyon.
Ang equipment nga gi-inspect sa regional director uban sa Command Group mao ang rescue boats, life vests, first aid kits, generators, communication devices, portable shelters, ug emergency response vehicles gikan sa lain-laing police units, lakip na ang sa Regional Mobile Force Battalion 13 ug nagkalain-laing police units.
Anaa usab ang matag-karon ug unya nga training sa mga personnel alang sa paghatag og siguridad ug kaluwasan sa katawhan.
