-- ADVERTISEMENT --
BUTUAN CITY – Mi-ani og pagdayeg gikan sa mga netizens ang pag-mañanita sa mga pulis sa lungsod sa Nasipit, Agusan del Norte ngadto sa usa sa ilang mga pinirisong babaye kinsa nagsa-ulog sa iyang adlaw’ng natawhan sulod sa bilangguan.
Bitbit ang birthday cake, gikantahan sa mga pulis pagpanguna ni OIC-station commander P/Captain Franklin Lacana ang wala gipa-ilang detainee.
Emosyunal usab nga nakabangon og kalit gikan sa pagkatulog ang binilanggo dihang nadunggan ang kanta nga gisamutan pa human gitunol kaniya ang birthday cake.
Ang wala damhang hitabo maoy nagpahilak sa piniriso tungod sa kalipay ilabina dihang gisultihan kining ang tanan, angayang malipay ilabina sa ilang adlaw nga natawhan.
