BUTUAN CITY – Gi-dismiss sa ruling junta sa Burkina Faso si interim Prime Minister Apollinaire Joachim Kyelem de Tambela dayong dissolve sa gobyerno, base na sa decree nga gi-isyu ni military leader Ibrahim Traore.
Wala gilatid sa maong decree ang rason sa pag-dismiss kang Tambela, kinsa gitudlong interim premier human na-ilog ni Traore ang gahom niadtong Septembre 2022 – atol sa usa lang sa mga military coups sa dili lig-ong Sahel Region sa West Africa.
Ipadayon gihapon sa mga membro sa na-dissolve nga gobyerno ang ilang papel hangtud nga makatudlo na og mga membro sa bag-ng gabinete. Nasayrang ang Burkina nakigbatuk sa mga Islamist insurgents, kondiin ang uban, duna’y kutay ngadto sa al Qaeda ug Islamic State, sukad sila mikaylap sa maong teritoryo gikan sa kasikbit nga nasud sa Mali, usa ka dekada na ang milabay.
