BUTUAN CITY – Gikumperma sa Department of Migrant Workers (DMW) nga ning-angkon sa iyahang nahimong krimen na ang Kuwaiti national kansa prime ssupect sa pagpatay sa overseas Filipino worker nga si Dafnie Nacalaban. Sumala ni DMW Sec. Hans Leo Cacdac sa pamulong nga gihimo niini kagahapong adlawa nga duna na silay valid reports nga nadawat mahitungod sa pag-angkon sa suspetsado.
Apan sa kasamtangan, wala pay dugang detalye ang buahatan sa nasangpit nga ahensya mahitungod sa kaso gawas lang sa pag-angkon sa suspek kansa kasamtangan nang naka bilanggo. Lakip sa mga nabilanggo ang asawa, amahan, ug igsoon niini nga nagtago matud pa sa maong suspetsado.
Samtang, gikataho usab sa ahensya nga gihulat nalang nila ang askyon para sa indictment sa suspek aron makab-ot na ang hustisya sa Pinay worker. Kahinumduman nga nakaplagan nalang ang patayng lawas ni Dafnie nga nadugta na sa mismong balay sa nahisgutan nga Kuwaiti national niadtung Disyembre 31, 2024.
Ang pamahayag ni DMW Sec. Hans Leo Cacdac.
