BUTUAN CITY – Nagpagawas og abiso ang mga oil industry sources nga mutaas na usab ang presyo sa produktong petrolyo karong Martes, Pebrero 24.
Base sa pasi-unang estimates, magpatuman og dugang-presyo ang mga kompanya sa lana sa nasud kondiin ang gasolina, musaka og ₱0.40 – ₱0.60 kada litro samtang ang diesel ug kerosene, gila-umang musaka og ₱1.00 – ₱1.20 kada litro.
Ang bag-ong pagtaas kabahin sa sunod-sunod nga oil price adjustments nga nakabase sa lihok sa presyo sa global market.
Sumala sa mga analysts, ang pagtaas sa presyo sa lana tungod sa mas taas nga demand ug padayon nga geopolitical tensions sa pipila ka bahin sa kalibutan.
Gilauman nga mosaka pag-usab ang gasto sa mga motorista ug transport groups, samtang ang mga household nga naggamit og kerosene direktang maapektuhan niini.
Tungod niini, usab nga nanawagan ang pipila ka sektor alang sa mas lig-on nga fuel subsidy programs aron makuhaan ang epekto niini ngadto sa mga ordinaryong katawhan.
