BUTUAN CITY – Mikunhod og P6.00 ang presyo sa kada-kilo sa local regular milled rice dinhi sa dakbayan sa Butuan karong adlaw, Martes Enero 21, human nga mi-abot kini sa kantidad nga 42-pisos gikan sa 48-pisos ning mi-aging adlaw.
Sigon sa rice retailer nga si Diosdado, tungod kini sa pagsunod nila sa gipatuman karong maximum suggested retail price ug sa nagkadaghang supply ug minos nga kalidad sa variety kung ikumpara sa mga imported rice nga mi-ubos usab ngadto sa 54 hangtud 53-pisos matag-kilo gikan sa kanhi 56 hangtud 57-pisos matag-kilo.
Gila-uman matud pa nga magpadayon kini tungod kay mag-abot man unya ang bag-og ug daan nga stocks karong Pebrero tungod kay ting-ani naman usab.
Dili matud pa mahimo nga dili sila magpa-ubos tungod kay duna sila’y mga karibal nga nagpa-ubos usab sa ilang presyo sa mga bugas nga gikan sa Zamboanga area ug sa Brgy. Taligaman ning siyudad sa Butuan.
