BUTUAN CITY – Misaka ang presyo sa lana niadtong Lunes sa buntag, Marso 23, human mohatag og 48-oras nga ultimatum si US President Donald Trump aron ablihan ang Strait of Hormuz, ang kritikal nga agianan sa halos one-fifth sa gi-export nga lana sa tibuok kalibutan.
Pipila ka gutlo human miigo ang 2200 GMT, ang presyo sa West Texas Intermediate (WTI), ang nag-unang benchmark nga krudo sa US, misaka og hangtod 1.8% nga nakaabot sa $100 matag bariles, sa dili pa gamay nga miubos.
Misaka usab sa $113.44 matag bariles ang presyo sa North Sea Brent crude, nga maoy nag-unang sukdanan sa presyo sa lana sa kalibutan, sa dili pa mikunhod ngadto sa $111, mga 45 minutos sulod sa trading.
Niadtong Pebrero 27, usa ka adlaw sa dili pa gisugdan sa US ug Israel ang pag-atake sa Iran, naa sa $67.02 ug $72.48 matag bariles ang ilang presyo.
