BUTUAN CITY – Mikunhod na og 6-pisos ang kada-kilo sa imported rice nga gibaligya sa mga rice retailers ning siyudad, pila ka semana human gipatuman sa Department of Agriculture ang maximum suggested retail price kon MSRP niini ning mi-agi pang mga buwan.
Sigon ni rice retailer Adolfo Peligro, gikan sa kantidad nga ₱54.00 matag-kilo, mi-abot na lang karon sa ₱48.000 ang matag-kilo sa imported rice. Apan mas mukunhod matud pa kini og tag-₱44.00 matag-kilo kung paliton og sinako kansa bugti sa kantidad nga ₱1,100.00 sa matag-25 kilos.
Gibutyag sa opisyal nga kuhaon nila ang stocks sa mga lugar diin mudunggo ang barkong kargahan niini sama sa Cagayan de Oro City o kaha sa Surigao City.
Gawas sa mga imported rice, mikunhod na usab ang presyo sa local rice kondiin ang uban nga klase mu-abot na sa ₱42.00 matag-kilo.
