BUTUAN CITY- Lauman nga mo-ubos ang presyo sa galunggong sa mga merkado karung Pebrero 2026, sumala sa Bureau of Fisheries and Aquatic Resources kon BFAR.
Kini tungod sa pagtapos sa 3 ka buwan nga closed fishing season sa Palawan sa Enero 31, 2026. Ang closed season gipatuman aron hatagan og panahon ang mga isda nga magpadaghan ug magpabilin ang balanseng ekolohiya sa dagat.
Sa kasamtangan, ang presyo ng galunggong anaa sa P180 hangtud P220 matag kil. Gilaoman sa BFAR nga psibleng mo-ubos kini og P20 hangtud P40 matag kilo sa Pebrero.
Sumala ni BFAR Spokesperson Nazario Briguera, nga mas modaghan ang supply sa galunggong sa mga palengke sa mga sunod nga simana. Ang galunggong gi-ila isip pinaka popular tungod sa pagkabarato niini ug kasagari nga sud-an sa mga pamilyang Pilipino.
