BUTUAN CITY – Gipalagan sa grupong Pambansang Lakas ng Kilusang Mamamalakaya ng Pilipinas kon PAMALAKAYA ang paghagba sa presyo sa tawilis, usa ka klase sa tamban nga mabuhi lang sa tab-ang nga tubig, ngadto sa ₱P100.00 kada-kilo gikan sa kanhi presyo niini nga ₱250, tungod sa isyu sa mga missing sabungeros nga matud pa, gitambog sa Taal Lake.
Sumala sa PAMALAKAYA, gibaligya na lang ang maong mga isda sa Cavite sa presyo nga P100 matag kilo.
Saysay ni Fernando Hicap, Presidente sa PAMALAKAYA, kung ingon niini ka-ubos ang presyo sa tiwalis sa kamerkaduhan, sigurado matud pang mokunhod ang farm-gate price niini sa Taal.
Taliwala pa man nga una nang gikataho sa Bureau of Fisheries and Aquatic Resources (BFAR) nga luwas nga kaunon ang mga isda gikan sa Taal Lake, gibutyag ni Hicap nga dili ikalimod nga apektado na niini ang presyo sa tawilis.
