BUTUAN CITY – Gibana-banang muabot sa P80.00 ang mahimong presyo sa diesel kada litro ning buwan kung walay staggered price adjustments sa mitaas nga tensyon sa Middle East.
Sigon ni DOE Oil Management Bureau Director Rino Abad nga mitumaw ang maong posibilidad sa gihimong pagdungog sa Senate committee on foreign relations tungod kay mas dako matud pa ang giyera tali sa United States ug Iran kumpara sa Russia ug Ukraine.
Gane gibutyag ni Abad nga base sa iyang nalantawan muabot pa kini sa 90 pesos kada kilo.
Pasabot usab ni Abad, nga “Kung mag-implement og staggered, dili kaayu muabot gelayon sa maong presyo apan kung one time ang pag-usbaw, pwede kining makab-ot apan ang segurado 80 pesos kada litro.”
Sa mga unang tulo ka adlaw karung semanaha, gilauman na sa sources sa oil industry ang pagtaas sa P7.09 sa gasolina, P15.33 kada-litro.
Ang presyo sa gasolina, diesel, ug kerosene mitaas na og P1.90 kada litro niadtong Martes, Marso 3, 2026.
Samtang nagpasidaan usab si Energy Secretary Sharon Garin sa mga mga magtago og daghang supply sa petroleum products.
Sigon sa DOE nga nakadawat sila og inisyal nga taho ug ebidensiya mahitungod sa posibleng iregularidad sa fuel supply ug retail practices sa Luzon ug Mindanao ug kasamtangan na nila kining giiimbestigahan.
Sumala sa DOE, nakig-alayon na sila sa Department of the Interior and Local Government (DILG) ug sa Philippine National Police (PNP) aron pahugtan ang monitoring batuk sa posibleng pagpahimulos sa pipila ka indibidwal sa kasamtangang sitwasyon.
