BUTUAN CITY- Inanay nang mingsaka ang presyo sa mga buwak alang karong Valentine’s Day samtang nagpadayon ang kusog nga demand sa merkado.
Sumala ni Grace Esmiralda, usa ka flower shop vendor, nga ang iyang mga buwak nga gibaligya, naggikan pa sa Manila, Davao, Dangwa, Bukidnon ug Claveria nagdoble ang presyo kumpara kani-adto sama matud pa sa roses nga kani-ato 25 isa apan karun 50 na tungod sa gasto sa transportasyon ug importasyon ingon man ang kanihit sa buwak.
Gibutyag usab niini, nga gikinahanglan pang isakay sa eroplano ang mga buwak aron magpabiling presko, diin kon madugay posibleng malata kini. Dugang pa ni Esmeralda, nagbaligya usab matud pa sila og artificial flowers nga nagkantidad og kapin ₱100 ug naghatag og delivery surprise packages nga naglakip og buwak, cake ug uban pang regalo.
Matod ni Esmiralda, kaniadto mas barato ang bulak apan karon misaka ang presyo tungod sa taas nga panginahanglan ug dugang gasto sa pagbiyahe, nga nagpakita sa kamahinungdanon sa bulak isip simbolo sa gugma ug pagmahal karong panahon sa mga kasingkasing.
