BUTUAN CITY – Pormal nang gidawat ni United States Vice President Kamala Harris ang presidential nomination sa Democratic Party, atubangan sa iyang mga supporters nga mitambong sa Democratic National Convention sa Chicago.
Kini human unang gidawat sa iyang running mate nga governor sa Minnesota state nga si Tim Walz ang iyang nominasyon alang sa November presidential election.
Misaad si Harris nga iyang pangunahan ang tanang mga Amerikano ug magmugna og usa ka opportunity economy ingon man protektahan ang katungod sa abortion, panaghi-usab ug sa working-class aspiration.
Nanawagan usab siya og ceasefire sa Gaza, apan wala niini direktang gitubag ang mga protestang natigayon sa gawas sa ilang convention venue kalabot sa suporta sa Amerika ngadto sa Israel.
