BUTUAN CITY – Gi-endorso ni Taylor Swift si Kamala Harris pagka-presidente, pila ka gutlo lang human sa presidential debate nila Donald Trump. Sa iyang Instagram post, gibutyag sa pop star nga ang iyan gpag-endorso base na sa iyang gihimong research ug nadesisyunan niyang botaran si Harris ug ang running mate niining si Tim Walz 2024 Presidential Election.
Gitawag pa ni Swift si Harris nga usa ka steady-handed ug gifted leader ug nagtuo siyang makab-ot ang kalambuan sa ilang nasud kung dumalahon sila sa mga tawong kalmado ug dili gubot og huna-huna. Dungan sa iyang pag-anunsyo sa maong balita, ang pag-post usab niya og hulagway sa iyang iring nga gipirmahan niya og “Childless Cat Lady”, kansa pahinungod sa komento sa vice-presidential candidate ni Trump nga si JD Vance.
Madumdumang gibatikos ang Ohio senator tungod sa 2021 clip kondiin iyang gitawag ang pipila ka mga prominenteng Democrats – apil na si Harris – nga usa ka grupo sa mga nae nga iring nga wala’y anak ug miserable sa ilang kaugalingong kinabuhi. Gipadayag pa sa singer nga mas nadasig siya karon nga i-share ang iyang voting decision sa publiko human migawas ang usa ka artificial intelligence kon AI image sa iiyang kaugalingon nga nagbuot-buot pag-endorso kang Trump sa iyang website.
