BUTUAN CITY – Kumpirmadong patay na sila Iranian President Ebrahim Raisi, Foreign Minister Hossein Amir-Abdollahian ug uban pang sakay sa helicopter nga nahagsan sa north-western Iran.
Kini human napalgan sa mga search teams sa Iran ang crash site, base na sa pagkumpirma usab sa head sa Red Crescent society sa maong nasud .
Ang maong drone footage gi-share sa Iranian state news agency nga IRNA ilabina sa ilang mga social media channels nga nagpakita sa mga tipaka sa gisakyang helicopter ni President Raisi.
Makita sa footage nga kuha sa Red Crescent, ang ikog sa helicopter sunod sa usa ka dakong agi sa sunog nga yuta ug sagbot agi sa pagsadsad sa helicopter sa bakilid nga bahin ug naa usab ang ubang mga tipaka sa palibot niini kondiin makita ang maayong pagkasunog sachopper ..
Nasayrang nga ang maong helicopter – usa lang sa tulo nga nag-convoy – kansa naglisod pagtugpa tungod sa kabaga sa gabon kon fog sa amihanang bahin sa maong nasud.
Padulong unta si President Raisi sa Tabriz City sa north west sa Iran, dihang mibalik na gikan sa Iran-Azerbaijan border area human gibuksan ang ang duha ka mga dams uban sa iyang counterpart sa Azerbaijan nga si Ilham Aliyev
