BUTUAN CITY – Lakip si Pangulong Ferdinand Bongbong Marcos Jr. sa TIME’s most influential people of 2024 nga giila sa sikat nga TIME’s magazine kansa gipublisar kagahapong adlawa, Abril 17. Nakauban ni Marcos Jr. ang sikat nga mga Hollywood actors ingon man pipila sa mga dagkong tycoons sa kalibutan.
Sumala sa gipublisar sa Times nga malampuson matud pang na’whitewashed’ ni Marcos ang legasiya sa pamilya niini pinaagi sa iyang pagmanipular sa social media.
“Bongbong’s rise to the Philippine presidency in 2022 was owed to whitewashing this family legacy through clever manipulation of social media.” sigon sa Magazine.
Dugang sa maong magasin nga ning resulta matud pa sa lahing dalan ang pangandoy ni Presidente Marcos Jr. nga marehabilitate ang pangalan sa iyahang pamilya. ” He brought technocrats back into government, steadied the post-pandemic economy, and elevated the Philippines on the world stage.“, dugang sa Time’s.
Alayon niini, gikataho sa maong magasin nga ningbarog ang nasangpit nga Presidente batok sa pagpang-aboso sa China ngari sa Pilipinas, ilabi na sa giilog sa maong nasod nga West Philippine Sea, ug masgipakusgan matud pa niini ang pagkig alyansa sa America.
Pagtapos pa sa artikulo, nga taliwala ning tanan, padayon gihapon nga nagtunhay ang extra judicial killings sa Pilipinas, ingon man padayon gihapong ginapuntirya ang mga tigmantala sa nasod. Apan tungod matud pa sa kagustuhan ni Bongbong nga mapanday pag-usab ang pangalan sa iyahang pamilya, dunay posibilidad nga mausab niini ang porma sa Pilipinas.
