BUTUAN CITY – Gikompirmar sa Presidential Communications Office (PCO) nga nangandam na si Presidente Ferdinand Marcos Jr. sa iyang ikatulong State of the Nation Address (SONA) karong Lunes, Hulyo 22, 2024.
Kasamtangan matud pang nakatutuok na karon ang Presidente sa pagpinalisar sa iyaha unyang ipamulong.
Alayon niini, wala na usab ning dawat og engaement ang Presidente kagahapong adlawa alang sa nasangpit nga presparasyon, kini tungod kay personal matud pang gisulat sa Presidente ang iyahang speech, dugang niini nga mismong ang Presidente, ning tabang usab sa pag edit sa nasangpit nga mga sinulat.
Gikataho usab nga dunay mahitabong ensayo ang presidente sa Kamara, apan wala pay gikabutyag kung kanos-a kini himoon.
Una nang gikataho sa Presidente, nga ang iyang SONA, maglangkob sa kahimtang sa ekonomiya sa nasud, kampanya sa gobyerno batok sa kriminalidad, kung unsa ang nahuman nga mga proyekto sa gobyerno ug unsa ang naka linya na usab nga mahuman sa mosunod nga mga tuig.
Sigon usab sa Presidente nga lisod matud pa ihaum sa mubo lamang nga panahon ang balita niini ngadto sa katawhan, apan paningamutan matud pa niyang pasiguan kini sa usa lamang ka oras.
