BUTUAN CITY – Gipanawagan ni Ukrainian President Zelensky angtanang katawhan sa tibuok kalibutan nga magtapok sa kadalanan aron ipakita ang ilang suporta alang sa ilang nasud, isip timaan sa usa ka buwna na nga pagsakop sa Russia sa Ukraine, insakto karong adlawa.
Ang iyang panawagan alang sa global support natigayon adiser ang emergency NATO summit sa Brussels, nga tambungan ni US President Joe Biden.
Iyang gipanawagan ang malinawong paagi sa pagsuporta sa ilang nasud, sa kalinaw ug sa kinabuhi aron madunggan kini sa tibuok kalibutan.
Nasayrang sa maong summit, aprubahan sa mga NATO leaders ang pagdugang pa sa ilang pwersa sa Eastern Europe atol sa summit.
Una nang gibutyag ni NATO chief Jens Stoltenberg nga upat ka mga battlegroups ang ipadala ngadto sa Slovakia, Hungary, Bulgaria ug Romania.
Adiser ang pagsugod sa summit, gipadayag na ni Stoltenberg nga ang ilang mga ka-alyadong nasud naghatag og suporta alang sa Ukraine aron matabangan sila sa ilang batakang katungod sa pagdepensa apan ubos gihapon sa patakaran nga ang nag-unang tahas sa military alliance mao ang pagdepensa ug pagprotekta sa mga NATO members.
Tungod kay ang Ukraine dili man membro sa alyansa, dili sila magpadala og tropa ngadto sa maong nasud hinuon, ila lang gidugangan ang ilang military presence sa kasikbit nga mga NATO countries.
